اولن ده

بیر الیم ساغا دوشه جک

بیر الیم سولا

سن ایسه

گوزوم دن دوشه جکسن

نه سن من اولا بیلرسین

نه من سن اولا بیللم

گل ال بیر اولاق تانریم

گل بیر اولاق!

دیل سیزده اولساق

دیلک سیز دگیلیگ بللی

باغیشلاسوگیلیم

دئمه دن سئوسم.

گوزلیم

گوزلیک

دریدن دئییر

ایچری دن دیر

سن "گوزل"دئیرسن

سئوگیلیم

"گوزل لیک " سن

یول یاری

دیل یارا

سن هارا

سئل لری بوغان سارا!

ال چک بو یاراماز

 الجک لردن

بوسویوق لوق لاردا

آنجاق اللریمی

اللرینه چک!

اوجاتماق ایسترسن منی

کیچیک آدیملا

چاغیر

بویوک آدیملا

اونوت!

سون دوراقدا

سون سیگارتیمله

بیرگه

دومانا دونمه دن

 دون!

سئللرله گئتسنده

باری

یئللرله قاییت

سارا!

ایندیجه

اوزاق لاردا

اسن بیر سازاق

اوشودور منی

سوچلار

یاساق یوخ

یاساق لار سوچ دولار

سن سئویلئن ده

یول یاری

دیل یارا

سن هارا

سئل لری بوغان سارا!

به مناسبت چهلمین روزدرگذشت عزیز از دست رفته مان محسن یگانه  

(لالایی)

  روحش شادو  یادش گرامی باد.

"نه "سینی سئودییمی

بیلمزدیم

اما بو سونوک سسلرمنه آنلاتدی

"سسینی"

سئومیشدیم

بیر سن

بیر من

بیرده آرا-سیرا

ساحیل لره اوپوشن

دالغالار!

آی ساریشین آی

بو اوزون ده

اوبیری اوزون کیمین اولسون

من سنه باخاندا

سوگیلیم باخماسا!

بیزلر یارالی

یارانیریق

یاشاماقدا یالنیز

یارادان

یارایا داشینماق!

ایکیمیزده اوچوروق

سن قوش کیمی

من اوچوروم تکی!

یاشیل گوزلر

ندن یاشدیر

یاش یاراشماز

یاشیل گوزه!

دوداق دوداقا

سن له بیرگه

دوداق دیمز

دئیسیم گلیر

آیی گویدن یئره سالدیم

سن له

دئیشیک سالدیم

ایندیسه

اوزاقلاردا

اسن بیر سازاق

اوشودور منی

سنی گورممک ایچین

گوزلریمی ساتدیم

سنی یوخودا گورممک ایچین

گوزی آچیق یاتدیم

ایلک دیله ییم اوجالیغین

تک آماجیم سا اوجاقالماغین

یارالی دیلیم!

گوگ لره

دایاق دیر

یئرلره

آیاق

بیزدکی

آق داق *

گوی بویالی

گوزگولر

سنین گوزلرین

یالاندان دئدیم

اوزون تللی

اینجه بللی

دیر منیم سئوگیلیم

الین بلینه ویردی

تلینه چکدی

نه تلی اوزون

نه بلی اینجه ایدیر

بیرآز توتولدی

آنجاق بللیدیرگوزلریندن

سئومک !

اورتاق ياتاق لاردا

اورتاق سوچ لاردا

سن له بيرگه

اورتادان اولانا كادار!

سني،انوتماق ايچين

چكدييم

آجي لارجا

سئويرم،آنجاق

يول چكير قارانليقدا

گوزلريم

ساغا - سولا

گوزلرينه چكديين

 سورمه لر كيمي!

اولماقا، دان سوكولن

اولمه يه اويلن

اما سئومه يه

هاچان سن دئسن

سن گونش

سن آی

سن اولدوز

ومن

ایشیقلار دیلنچیسی

یئرسیزلییمدن

آیدادا بئله یوا سالانمیرام

گوزلرینده یئرایله منی

گوزلری گورمه ین

گوزسوزگوزه له

گوزگولرین ایکی اوزوده

گوزل دیر

                     سایین"آیدین روشن"ایچین

آز یاشادیم

آنجاق

بولوت لاردان اوجا

سولاردان درین  

*****

بيزلره

ياشاييش باشاباش

دوداق ديمز

ديل دونمز

اولدو!

*************

دئميرم سنده

مني ايسته ،مني سئو!

يالنيز اوزونو

منده آرا

منده سوگي نن!

*************

به نام او

آق داغ آغلا! قوی اوریین بوشالسین

به مناسبت چهلمین روز درگذشت

جوان ناکام مهندس امیر آقاجانی

آتام ایچین

آنام آنی سینا

(  برای پدر - به یاد مادر ) 

(تایماز خانکیشی)